კომპანიის შესახებ

შპს Made To Make დაარსდა 2012 წელს და საქმიანობის პირველ წლებში ოპერირებდა ავტო-სამრეწველო და სახარჯი მასალების ბაზარზე. კომპანია მალევე გახდა გლობალური ბრენდის – 3M-ის ექსკლუზიური წარმომადგენელი საქართველოში, რის შემდეგაც, მოიპოვა სანდო და ხარისხიანი პროდუქციის მიმწოდებლის სახელი აღნიშნულ სფეროში. M2M მუდმივად აფართოვებს პროდუქციის ასორტიმენტს და დღეს იგი წარმოდგენილია, როგორც ავტო-ინდუსტრიულ მიმართულებაში, ასევე, ინდივიდუალური დაცვის საშუალებების და შრომის უსაფრთხოების აღჭურვილობის ბაზარზე. მისი პარტნიორები არიან მსოფლიოს წამყვანი საერთაშორისო ბრენდები, რომელთა მიერ მოწოდებული პროდუქცია არის გარანტი მაღალი ხარისხისა და საერთაშორისო სტანდარტების. M2M ამარაგებს, როგორც ქართულ სამთავრობო სტრუქტურებს, აგრეთვე, საწარმოო გიგანტებს, რომელთა სია შეგიძლიათ იხილოთ განყოფილებაში „პარტნიორები“.

2015 წელს M2M გახდა ფრანგული ბრენდის „Coverguard“-ის დისტრიბუტორი საქართველოში, რომელიც წარმოდგენილია შრომის უსაფრთხოების აღჭურვილობის პროდუქციით და მისი პროდუქცია შესაბამისია ევროპის (CE EN) და საერთაშორისო (ISO) ხარისხის სტანდარტების.

„Coverguard” დაარსდა 1994 წელს და 2012 წლიდან ერთი სახელის ქვეშ აერთიანებს 12 დამოუკიდებელი ბრენდს. კომპანია გახლავთ შრომის უსაფრთხოების პროდუქციის ერთ-ერთი უმსხვილესი მწარმოებელი ევროპულ ბაზარზე. ბრენდის მისიაა, შექმნას უნიკალური, ორიგინალური და კომფორტული პროდუქცია ადამიანების უსაფრთხო პროფესიული საქმიანობისათვის.

2015 წელს M2M-მა დაიწყო თანამშრომლობა ჰიპერმარკეტ „დომინოსთან“. დომინოს ორივე ფილიალში, ისთ ფოინთსა და დიღომში, სპეციალურად გამოყოფილ სივრცეში განთავსებულია შრომის უსაფრთხოების აღჭურვილობა და ავტო-ინდუსტრიული ხარჯვითი მასალები. დომინოს ორივე ფილიალის მომხმარებლებს აქვთ შესაძლებლობა შეიძინონ M2M-ის პროდუქცია, სადაც კონსულტაციას გაუწევენ კომპანიის კვალიფიციური პრომოუტერები.

2018 წლიდან M2M აფართოვებს პარტნიორი ჰიპერმარკეტების რიცხვს და, ამჟამად, წარმოდგენილია სამშენებლო და სარემონტო მასალების მეგა ცენტრ ნოვაშიც, მთელი ქვეყნის მასშტაბით. პარალელურად, მატულობს მომწოდებელი კომპანიების რაოდენობა და ასორტიმენტს ემატება სხვადასხვა ევროპული და ამერიკული წამყვანი კომპანიების პროდუქცია.

2019 წლიდან M2M იწყებს თანამშრომლობას სამშენებლო-სარემონტო მასალების ცენტრ „ციტადელთან”  და წარმოდგენიალია თბილისის, ბათუმის და ქუთაისის ფილიალებში.

ამასთან ერთად, კომპანია განაგრძობს მონაწილეობას სახელმწიფო ტენდერებში, აფართოებს საცალო და კორპორატიული მომხმარებლების რიცხვს.

2021 წლიდან M2M-მა დაიწყო თანამშრომლობა ამიერკავკასიაში ყველაზე დიდ სამშენებლო და სარემონტო მასალების ჰიპერმარკეტ “მიჰაუსთან”. M2M აღნიშნულ ჰიპერმარკეტში წარმოდგენიალია შრომის უსაფრთხოების აღჭურვილობის პროდუქციით.

2021 წლის 1 ივლისიდან ამოქმედებული საქართველოს მთავრობის 2020 წლის 6 თებერვლის №82 დადგენილების, „ინდივიდუალური დაცვის საშუალებების შესახებ ტექნიკური რეგლამენტის დამტკიცების თაობაზე“, შესაბამისად, M2M იწყებს პროდუქციის ტექნიკური დოკუმენტაციის, შესაბამისობის დეკლარაციების და გამოყენების წესების თარგმნას სახელმწიფო ენაზე და ამ დადგენილების შესაბამისი დოკუმენტაციის დართვას ქვეყანაში იმპორტირებულ პროდუქციაზე.

2022 წლისთვის M2M აფართოვებს საქმიანობის არეალს და თბილისის მასშტაბით წარმოდგენილია კიდევ 1 ახალი ფილიალით დიდუბე, ა. წერეთლის გამზირი 77 ა-ში. 

ახლა უკვე, M2M-ის შოურუმების ნახვა და პროდუქციის შეძენა შესაძლებელია ქ. თბილისის 2 ლოკაციაზე.