ABL-F12 - მეხანძრის ალუმინიზირებული კოსტიუმი
მეხანძრის ცეცხლგამძე ალუმინიზებული დამცავი კოსტიუმი განკუთვნილია მაღალი ტემპერატურულ (1000°C-მდე) გარემოში მუშაობისას. მისი გამოყენება შესაძლებელია ძლიერი სითბოს წყაროს სიახლოვეს.
კოსტიუმი გამოირჩევა ცეცხლგამძლეობით, თბოიზოლაციური თვისებებით, წყალგაუმტარობით, მაღალი სიმტკიცით და ცვეთამედეგობით, მოქნილობით და კომფორტული ტექსტურით. კოსტიუმი ეფექტურად იცავს მომხმარებელს ძლიერი სხივური სითბოს ზემოქმედებისგან, თუმცა არ არის განკუთვნილი ცეცხლთან ან გამდნარ მეტალთან პირდაპირი კონტაქტისთვის.
ალუმინიზებულ კოსტიუმს იყენებენ მეხანძრე-მაშველები და საგანგებო სიტუაციების სამსახურის თანამშრომლები იმ შემთხვევებში, როდესაც უწევთ მუშაობა ცეცხლის კერის მახლობლად, ასევე, ფართოდ გამოიყენება მეტალურგიულ საწარმოებში, სამთო-მომპოვებელ და სამრეწველო ობიექტებზე, ღუმელებთან და მაღალი ტემპერატურის დანადგარებთან სამუშაოების შესრულებისას და სხვა გარემოში, სადაც საჭიროა მაღალი ტემპერატურისგან ეფექტური დაცვა. კოსტიუმი უზრუნველყოფს უსაფრთხოების მაღალ დონეს ექსტრემალურ თერმულ პირობებში მუშაობისას.
კომპლექტში შედის: ალუმინიზირებული ზედა-ქვედა, ალუმინიზირებული ბახილები, ხელთათმანები, შლემი.
მახასიათებლები
- ბრენდი: ANBEN FIRE
- ფერი: ვერცხლისფერი
-
- ალუმინი
- არამიდი
- ინდუსტრია: სამთო მრეწველობა, მძიმე მრეწველობა, ხანძარსაწინააღმდეგო
- სეზონი: გაზაფხული, ზაფხული, შემოდგომა, ზამთარი
- სტანდარტი: EN 1486
სტანდარტები
- EN 1486
მოვლა
მოყენებისა და მოვლის ინსტრუქცია
1. შემოწმება გამოყენებამდე
გამოყენებამდე აუცილებელია კოსტიუმის დეტალური შემოწმება. დარწმუნდით, რომ გარე დამცავი ფენა, შიდა თბოიზოლაციური ფენა და კომფორტის ფენა სრულად გამართული და დაუზიანებელია.
2. ზომისა და მორგების შემოწმება
დარწმუნდით, რომ კოსტიუმის ყველა ნაწილი სწორად ერგება მომხმარებელს, სრულად ფარავს სხეულის დასაცავ უბნებს და ყველა შესაკრავი (ველკრო, ღილაკი და სხვა ელემენტი) გამართულ მდგომარეობაშია.
3. შეზღუდვები
კოსტიუმის გამოყენება აკრძალულია ისეთ გარემოში, სადაც არსებობს ქიმიური ან რადიოაქტიური ნივთიერებებით დაზიანების საფრთხე, თუ ის სპეციალურად არ არის განკუთვნილი მსგავსი რისკებისგან დასაცავად.
4. დამატებითი აღჭურვილობა
მაღალი ტემპერატურის გარემოში მუშაობისას კოსტიუმი უნდა გამოიყენებოდეს სასუნთქი აპარატისა და საკომუნიკაციო საშუალებების თანხლებით, რათა უზრუნველყოფილი იყოს უსაფრთხო სუნთქვა და მუდმივი კავშირი ოპერაციის ხელმძღვანელებთან.
5. გაწმენდა და შენახვა
გამოყენების შემდეგ კოსტიუმი უნდა გაიწმინდოს კვამლის, ჭვარტლისა და სხვა დაბინძურებისგან. მსუბუქი დაბინძურების შემთხვევაში გამოიყენეთ რბილი ჯაგრისი და ნეიტრალური სარეცხი საშუალება. გაწმენდის შემდეგ კოსტიუმი დაკიდეთ კარგად განიავებად ადგილას და გააშრეთ ბუნებრივ პირობებში. სრული გაშრობის შემდეგ შეინახეთ შემდეგი გამოყენებისთვის მზად მდგომარეობაში.
